الاثنين، 7 فبراير 2011
كلنا في قلبها ... nasr soliman
كلنا في قلبها
أرواحنا بتحبها
والحب في قلبها
بيجري زي نيلها
والخير على ارضها
و مصر
لما تحزن
البسمة
تشتاق لها
ولما الدنيا
تغدر
بتاخدنا
في حضنها
...
مصر
الام الاصيلة
خالدة
زي نيلها
دايما
صابرة
جميلة
عاشقة
بود
ولادها
الشدة
تقوي عودها
وربي الرحيم
حافظها
والايمان
حارسها
عايش
جوه ناسها
و مصر بنحبها
الكل في قلبها
مصر هي احنا
مصر هى روحنا
و الكل بيحبها
...
نصر سليمان
ياريت ... nasr soliman
ياريت
تبص على
الحقيقة
ياريت تفكر
ولو دقيقة
يمكن تشوف
حاجات جديدة
صافية ... بريئة
يمكن تحس
فين الخديعة
فين الحقيقة
ياريت تفكر
من غير عناد
ساعتها تقدر
تشوف نهارك
من تاتي
عاد
...
نصر سليمان
السبت، 5 فبراير 2011
مصر بخير ... nasr soliman
الحمد لله
مصر بخير
الحمد لله
وطني كبير
مهما يعاني
رافع راسه
مهما الشدة
تعبت ناسه
هو بخير
اصله
حضارة
نهر النيل
شعب الخير
شعب اصيل
ممكن يتعب
ممكن يغضب
لكن بلده
عايشه
في قلبه
حتى
في غضبه
قلبه كبير
عابد ربه
شعب أصيل
واللي يحب
مصر
بجد
ما يشمتش
فيها حد
يحفظ شعبه
زي السد
يقطع دايما
ايد الغدر
شعب أصيل
زي النيل
مصر الباقية
مهما يصير
مصر عظيمة
مصر بخير
...
نصر سليمان
الاشتراك في:
الرسائل (Atom)